Eignatorg kynnir: Nýtt á skrá - Lögbýlið Seljaland, Dalabyggð. Um er að ræða vinsælt ferðaþjónustubýli sem hefur verið í rekstri um árabil. Gistiaðstaða er í 6 gistieiningum fyrir 18 - 25 manns auk tjaldstæðis. Miklir möguleikar til stækkunar. Eigninni fylgir veiðiréttur og hlutdeild í veiðihúsi og veiðifélagi um Hörðudalsá. Jörðin er talin vera 316 hektarar, þ.a. er ræktað land 27 hektarar. 3ja fasa rafmagn. Ljósleiðari kominn inn og tengdur. U.þ.b. 23 km eru í Búðardal þar sem er öll helsta verslun og þjónusta.

Skv. skráningu Fasteignaskrár eru eftirfarandi byggingar á jörðinni:
Íbúðarhús byggt 1903, samtlas 67,2 fm.
Gistihús byggt 1973, samtals 181,3 fm.
Þrjú gestahús byggð 2012, samtals 30,8 fm.
Snyrting og baðhús byggð 2012, samtals 10,1 fm.
Fjárhús byggð 1973, samtals 241,7 fm.
Hlaða byggð 1970, samtla 240,6 fm.
Hesthús byggð 1935, samtals 53 fm.

Nánari lýsing:
Íbúðarhús er hæð og óskráður kjallari og er nýtt til gistingar.
Fjárhús eru innréttuð að hluta sem gistiaðstaða, veitingasalur, veitingaeldhús og vinnuaðstaða ásamt íbúðaraðstöðu eigenda. Undir fjárhúsinu er áburðarkjallari sem er einangraður að hluta og nýttur sem þvottahús, língeymsla, saunaaðstaða, geymsla, verkstæði og hluti sem köld vinnuaðstaða og geymsla.
Það eru 3 smáhýsi fyrir 2 gesti hver sem deila með sér baðhúsi og salernishúsi.

Gott tjaldstæði er við gestahúsin. Tjaldsvæðið hefur aðgang að sama baðhúsi og salernishúsi auk sér salernishúss með 2 salernum. (Það hús er ekki inni í fasteignaskránni.)
Hesthús er í dag nýtt sem fjárhús.

Gerður hefur verið samningur um skógrækt á jörðinni við Vesturlandsskóga og hafa nú þegar verið gróðursettar um 140.000 trjáplöntur ofan við bæinn.

Jörðin er seld án alls framleiðsluréttar og landbúnaðartækja en innbú sem tilheyrir ferðaþjónustustarfseminni fylgir með skv. lista.

Allar nánari upplýsingar veitir Björgvin Guðjónsson löggiltur fasteignasali í síma 510-3500 / 615-1020 eða [email protected]

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 0 - 1,8%. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.